Қордың қолдауымен «Өрмекші адам 2: Кернеген қуат» фильмі қазақ тіліне дубляждалған. Автордың ойын дәлірек жеткізу үшін аударма тікелей ағылшын тілінен қазақ тіліне жүргізілді. Қазақ тіліне дубляж жасау жұмыстары 2013 жылдың қараша айында басталды. Жоба студиямен келісімге келуден басталды.
Жоба авторлары кейіпкерлер үшін дауыстарды дәл таңдаған. 20-ға жуық қазақстандық актер кейіпкерлердің жан тебіренісін, ең бастысы мінезін анық жеткізе білген. Басты кейіпкерлерді бірінші бөлімнің дубляжына қатысқан актерлар: Мерей Әжібеков, Әлима Қайырбекова, Азамат Қанапьянов, Дархан Сүлейманов, Жәнібек Жақыпов және т.б. дауыстаған.